ᲜᲔᲢᲐᲠᲘᲡ ᲘᲡᲢᲝᲠᲘ
2020 წელს დაარსებული დისტილერია ნეტარი შეიქმნა გამორჩეული ქართული ჯინის დამზადების იდეით. ორი სრული წელი დავუთმეთ ტექნოლოგიის დახვეწას, მცენარეული ინგრედიენტების შერჩევასა და დისტილაციის პროცესის სრულყოფას. ჩვენი მიზანი თავიდანვე მარტივი იყო: შეგვექმნა ჰარმონიული ჯინი, რომლის მირთმევა, ყველანაირი დანამატების გარეშე სასიამოვნო იქნებოდა, რაც თანამედროვე ალკოჰოლურ სასმელებში იშვიათი თვისებაა.
ᲜᲐᲛᲓᲕᲘᲚᲐᲓ ᲮᲔᲚᲜᲐᲙᲔᲗᲘ
„ნეტარში“ ცნება „ხელნაკეთი“ მხოლოდ მარკეტინგული ტერმინი არ არის — ეს ჩვენი ყოველდღიური სტანდარტია. ჩვენი წარმოების თითოეული ეტაპი — ბოთლების გარეცხვითა და ჩამოსხმით დაწყებული, დაცობითა და ეტიკეტის დაკვრით დამთავრებული — გულმოდგინედ სრულდება ხელით. მცენარეების ნაზი გემოვნური და არომატული თვისებების შესანარჩუნებლად ვიყენებთ ნელი დისტილაციის პროცესს. რაც ყველაზე მთავარია, განუხრელად ვიცავთ პრინციპს: მხოლოდ ნამდვილი ინგრედიენტები და სუფთა დისტილატი, არანაირი ხელოვნური დანამატი, საღებავი ან კონსერვანტი.
ᲐᲮᲐᲚᲘ ᲔᲢᲐᲞᲘ
სიახლეების შექმნის სურვილმა გვიბიძგა, არჩევანი გაგვეფართოვებინა გამორჩეული ხილის დისტილატებითა და მზა კოქტეილების დამატებით:
- ზესთას ხილის დისტილატები გამოიხდება Bain-Marie-ის ტიპის სახდელი აპარატის გამოყენებით და მწიფე ხილის გემოვნური და არომატული თვისებების გასაძლიერებლად ერთი სრული წლის განმავლობაში ვარგდება უჟანგავი ფოლადის რეზერვუარებში.
- მზა კოქტეილები მზადდება პროფესიონალი ბარმენის სიზუსტით და მოიცავს კლასიკურ რეცეპტებს: ნეგრონი, მარტინი და მილანო-ტორინო. იდეალურია სახლში მასპინძლობისთვის, სტუმართ-მასპინძლობის სექტორისთვის და განსაკუთრებული ღონისძიებებისთვის.
ᲘᲡᲢᲝᲠᲘᲐ ᲒᲠᲫᲔᲚᲓᲔᲑᲐ
გპირდებით, რომ შევინარჩუნებთ უმაღლეს ხარისხს, მუდმივად შემოგთავაზებთ ნოვატორულ პროდუქტებს და თითოეულ ჩამოსხმულ ბოთლს განსაკუთრებულ ღირებულებას შევძენთ.